گوزللر مارالی

X

گوزللر مارالی

گوزللر مارالی

gözəllər marali

!gözəllər marali vebfsahfasinə xoş gəlmisiz

یاشاسین آذربایجان

	ساغ اولسون آذربایجانی
هر کیمین جوشوبدور داماردا قانی سسله سین ساغ اولسون آذربایجانی نینیرم یوردومون یولوندا جانی یار منی آتیبدی منده دونیانی
+ بونلاری 15 Jul 2007ساعات 11:47 AM لیلا گوزللر مارالی یازیبدیر \|

	باخیرام
باخیرام باخئرام بالامئن حیات طرزینه اوره ییم دویونور گوزوم قارالئر بو آغئر ایتگی یه کیم دوزه بیلر باخچام سولمادا دئر گولوم سارالئر اونودور اولادئم گون به گون ازون اوزاقلاشئر ازدویونن ازونن قاباغا گتمیر هئچ دالئ قایئدئر گئری قالئر اجدادئننان نسلینن دویولور گئد به گئد داورانئشئننان ازونن چکینیر یادلاری سویر دانئر دوغولدوغو موقددس کندی من بوردا آنادان الموشام دئیر یوخدور اینام اوزگه له شیر ازونن وطن قایغئسیی لا یانمئر آلئشمئر یاد دیلینده دانئشدئغدا فخر ادیر گووءن مه لی آنا دیلین دانئشمئر دییرم کور اوغلو دییر تانئرام تهراندا بیر خالچا یووان شیرکت دیر فوضولی سین نسیمی سین نه بیلسین بو بیر خالقا فلاکت دیر ذیللت دیر سورورام خان کیم دیر دییر یقین کی بیر پارچا کند لرین بئیی الموشدور سوورا اورگه دیرم خان نه دمک دیر گوزو خجالت دن یاشلا دولموشدور سعدی نی حافظ ی اورگه نیب ازبر واقف ی سییدی واحدی بیلمیر رستم ی آرشی هر گون اخویور بابکین نبی نین آدئ چکیلمیر بلا گلیب قولاغئنئن باشئنا ائل هاواسین موغاماتین به ین میر سوروشورام سن ده نه دیر بو غفلت یایئن لایئر بیر سوز تاپئب دییه ن میر ایتیرمیش اینامئن اونودموش آدئن اوزین اوزگه لره زورلا جالایئر چکمیر ته اسسوبین اوز کیملیی نین هی یادداشئر دردی درده قالایئر دانئشئر او تورک جه اتیم توکولور گورورم بو حیس لر اوزگه حیسسی دیر بو تورک دیلی دییل اصلا ابدا یاد دیلین تورک جه ترجوما سی دیر آختارئب تاپ مئشام بونا بیر جاواب نه دیر تورک بالاسئن سوسدوران سبب بئله المالئدئر اونون طالعی یاساق قالماغئمئز دئیل چوخ عجب اونلا دانئشمئشئغ اوز اویمیزده هم من یاد دیلینده هم ده آناسی او دانئشئر اوز آناسی دیلینده اصیل آنا دیلین هاردان قاناسی اونون چاشماغئندا یول آزماغیندا بیزده اولدوغوجا سبب کارلارئق بیزی باغئش لاماز سون کی نسیل لر بیز اوزی بیل مه دن گوناه کارلارئق تورک چیلیگ قورتارئر بونون اوزینده گور بونون بالاسی نه درده قالار؟ بیر میللت چوریلر بوجور آستا جا اوزدوگون ایتیرر باشقا خالق اولار دویماز کور اوغلی سین سومز بابکین قان ماز کیملری میش واحید بختیار اصلا ماراغ اولماز سورسون اورگن سین بیر گوره نه دمیش زاهید شهریار نوحه سین آننا ماز ماهنی سین بیلمز اولماز اوره گیی جه تار کامان سسی روحونو اوخشاماز ایچینن اوتمز زابولون سگاهئن یار آمان سسی هر خالقئن اولماسا دیلی مکتبی هر یتن او خالقئن حاققئنئ ییئه ر اوول جه وارلئغئن کیم لیین دانار سونرا او میللته کوتوی سوز دیئه ر درسلیگ ده اولماسا کیمین تاریخی یئرینن اوینایار یولیننن چاشار هانسی بیر آغاجئن یوخسا ریشه سی بیر آز اوجالسا دا آغئرلار آشار اولسایدی اکران دا منیم بیر کانال من ده اوز دیلیمده هی دانئشاردئم اوزین دینله یه ردی اوز اولادلارئم اوز یئنی نسلیم له بیر بارئشاردئم دییه ردیم سن کیم سن کیمین اوغلوسان اولو بابالارئن کیملر دیر سنین کیم سنه هامی دیر کیم سنه یاغی کیم دیر سنین دوسدون کیم دیر دوشمانئن دییه ردیم قالخ اویان بسدیر آلچالدئن اوخو فئلان سوزی فئلان کیتابی یادلار قارشئ سئن دا جاوابسئز دورما کیم بونو سوروشسا بودور جاوابی گوسته ره ردیم اوردا آنا یوردومو داغئمئ دوزومو بندی بره می چالاردئم خالقئم چون اوز نغمه لرین سودیره ردیم سازی یانئغ کرمی گور بو اوره ییم ده نه قدر درد وار داها دوزه بیلمیرم پارتلایئر اوره گ جانئملا باشئملا شعریم سوزوم له خالقئما خیدمت دن دون مه یم گرگ زاهیدم سارسئلماز ایراده م وارئم خالقئمئ اوزونه قایتاران دیلیم خالقا آرخالانئب خالقا سوی کن سم خالقئمئن الی له قورشانار بئلیم
+ بونلاری 15 Jul 2007ساعات 11:24 AM لیلا گوزللر مارالی یازیبدیر \|

	بوردا ایتمز هارای
بوردا ایتمز هارای، هاوار بو داغلارد ا اوبالار وار اوبالاردا بابالار وار هر بیری قورقود عوضی بوردا اوتكه م اغیللار وار بوردا گرچك ناغیللار وار دلی قانلی اوغوللار وار هر بیری بیر قورد عوضی قیزلاری وار یانار اوزدو اوزمی ناردی، یانار اوزدو هر بیری بیر یانار كوزدو هر بیری یاقوت عوضی مین دوست گلسه، یول آچیقدی هر ده یه بیر قالاچیقدی پاپاق- پاپاق آلاچیقدی هر بیری بیر یورد عوضی زیروه لرین گول یاخاسی بو داغلاردی داغلار خاصی هر بیری بیر ائل آرخاسی هر بیری بیر مرد عوضی
+ بونلاری 15 Jul 2007ساعات 11:17 AM لیلا گوزللر مارالی یازیبدیر \|

	ایندی بیر باشقا زاماندیر
ایندی بیر باشقا زاماندیر ایندی بیر باشقا زاماندئر بوتون اینسان دانئشئر وارلئغئن جار ائله ییر عالم ایمکان دانئشئر من نییه سوسمالئیام حاققئمی بیگانه ییئه من وارئمنان دئمه سم چوخلاری یوخدان دانئشئر من او خالقام کی منیم یوردوم آلولار یری دیر آراسان تورپاغئمی اوددان آلودان دانئشئر من کور اوغلو یتیریب ظالئمئ محو ایله میشم یئری گلسه قئلئجئم دوشمانا قان قان دانئشئر قهرامان بابکیمین شهرتی آفاقی توتوب اوخوسان تارئخئمئن هر واراغی شان دانئشئر نبی مین آدی گلنده گئنه بئی لر اوشنیر او قوچاغدان هله ده خانیله سولطان دانئشئر من او خالقام کی فوضولی منیم اولادئم اولوب بونو تک من دئمیرم گور نئچه دیوان دانئشئر من نیظامی کیمی اععجاز ائلیه ن میللتی ام خور باخانلار هله بو حاخ سوزه بهتان دانئشئر سئغمایان هر ایکی دونیایه نسیمی ده منم گور نه گوزدن باخئر او خیلقه ته هاردان دانئشئر من او یوردام کی منیم واحیدیمین یوخدو تایی چوخ درین سوزلری او ساده وو آسان دانئشئر من او خالقام کی جاهان اهلی سویر موسیقیمی منده شوکت له سارا جاببارئلان خان دانئشئشر دفیلن تار و کامان سازیله سوز لن بالابان ناغارا زورنا توتک سئومه لی قارمان دانئشئر بو نیشانلار کی دئدین وصفینه(( زاهید ))بیلدیک بو شیرین دیل له بیزه آذرئبایجان دانئشئر
+ بونلاری 15 Jul 2007ساعات 11:17 AM لیلا گوزللر مارالی یازیبدیر \|

	آذربایجان سسی
كونلوم ایستیر گلسین هر یاندان آذربایجان سسی سسله ننده جان باغیشلیر جانلارا جانان سسی ایلقارا آند ایچمیشیك بیز، اولدو واردیر دوندو یوخ تا آذربایجانلی وار باتماز آذربایجان سسی
+ بونلاری 15 Jul 2007ساعات 11:13 AM لیلا گوزللر مارالی یازیبدیر \|

	باشلاییش سوزی
تانرینین آدیلا باشلاییرام سلام یولداشلار من بیر موددت وبلاگ لارا باش ووردوم ایندی بو فیکره دوشموشم کی اوزوم بیر وبلاگ آچام و بو وبلاگ دا ئورگیمین سوزلرینی یازام منیم سئوگی شعرلرینه و سئوگی متن لرینه علاقم چوخدی بو وبلاگ دا تورکی شعر و متن لر یازاجاغام . یولداشلار منه یاردیم الیین منیم اولیم دی هله لیک منیم یازدیقلاریمین مونتظیری اولون
+ بونلاری 14 Jul 2007ساعات 1:9 PM لیلا گوزللر مارالی یازیبدیر \|