ئوزگه دیله یازمارام

نازلی شیرین دیل واریم ، ئوزگه دیله یازمارام

دوغراسالاردا منی اُوز دیلیمی آتمارام

جنتی وئرسز منه ، دونیانی ساتساز منه

من آنامین ناز دیلین باشقا دیله ساتمارام

شهریاریم دوز دییب قاتما دیلین دیللره

من بو گوزل تورک دیلین آیری دیله قاتمارام

باخ بو دیلین سایه سی ، گزدی آدیم دیللره

اولماسا گر بو دیلیم هئچ یئره من چاتمارام

اوندا کی من اولموشم قورلایین اوز یوردوما

چون بودور عادت منیم ئوزگه یئره یاتمارام

قبریمین اوستونده سیز تورکی بو شعری یازین

اوز دیلیمی آتمارام ، باشقا دیله ساتمارام

اولموشام منده پناهنده در میخانیه

گلمیشم میخاندن من دردیمه درمان آلام

 دردیمی بیر بیر دیم من ساقی میخانیه

دردیمه درمان شراب اولدی طبیبسن ساغریم

گوندریب دردین منی گور هانسی داروخانیه

دردیمی بیر دکتره ادیم بیان قان آغلادی

 بیر منه بیر نسخیه باخدی مطبین باغلادی

منکی محکوم غمم زندان نه لازیمدیر منه

من کی جاندان دویموشام بو جان نه لازیمدیر منه

دیزلریمده ایللرین آغیرلیغی

باشیمدا یانیق تورپاغین کولو

قولتوغوما سیغینمیش قیلینج ووران اللریم

گوزلریمده اوغوز یوخوسو

قولاقلاریمدا یابانجی دایه لرین یابانجی لایلاسی

باشیمی یاستیقا آتیبدا دوزورم

صبیر داشیمی باغریما باسیب دا دوزورم

قبیر داشیمی باشیما باسیب دا دوزورم

آممان آممان یئر اوزونون تانریسی

آممان آممان آدی سانی دونیالارا سیغمایان

آتلارینین نال سسیندن یئر کوره سی یاتمایان هی هی !!

ایچینه قیسیلیب قالدیغین یئتر

دونه نین یاسینا باتدیغین یئترهی هی

آممان آممان ایگیدلیی ایچینده

قیلینجی قینیندا پاسلانان ایگید هی

اوتورماقدان بئلین دورار

یاتماغدان گوزلرین توتولار

قالخ دا پاسین آچیلسین

آخ دا کونلون دورولسون هی هی!!

اوغ اوغلاماق قوش قوشلاماق چاغی دیر

یاغیلارا قان قوسدورماق چاغی دیر هی هی !!

هی هی هی هی ارگنه گوندور ایگیدلر هی هی !!

قورد داغدا اولاییر سنه اوغور دیلییر

داغلار یاخیب دمیر دویمگ چاغیدیر

یاغیلارا قان قوسدورماق چاغیدیر

داغلار یاخیب دمیر دویمگ چاغیدیر

قیلینج ووروب آد قازانماق چاغیدیر هی هی !!

آتینین کیشنرتسینه سکسندی

سیلکندی ، توزون توکدو

گوز قاپاقلارینی آچدی

دونه نینه بو گونونه یارینینا باخدی

گوزلری قان چاناغی

پیچاق وورسان قانی چیخماز

دیشی باغیرساغیندا

جانی بوغازیندا باغیریر

پیچاق سوموگه دایانمیش!!!!!