آذربایجان

اوز یاشادیق یوردوما من جانیمی قوربان دئمیشم

چپ باخانی اُولکه مه من ایت کیمی شیطان دئمیشم 

بابکینی ، شهریاری ،  ستارخانی  ،  باقیرخانی

پهلوان   اُوغلانلارینی  شیر  کیمی  سولطان دئمیشم 

داغلارینی ، باغلارینی ، گوزل  خزر دریاسینی

 آراز   کیمی   چای   لارینی   روضه  رضوان دئمیشم 

اوز  آنا  یوردومدا  بوگون  ئوزگه دیلی  دیلده گزیر

بو  یئر  گولوستان  دی  ولی  من  اونا  زیندان دئمیشم 

گلین بوگون بیز اویاناخ  دوشمن لرینن  ساواشاخ

باخ  گؤر   نه گون   اویانماغی  بو  درده  درمان دئمیشم 

تبریزینی ، زنجانینی ،  اورمیه نی  ،  اردبیلی

بو   اُولکه  نین   هر  یئری  وار  ،  آذربایجان دئمیشم

دلی چایلارین آخاری

سولارین سسیندن بللی

من کئچدیم سن کئچنمدین

تورپاغیم هی!!!

سرین کور قویو دیبینده

دردی اؤزوندن بلی

دلی سی آغی لی کیمی

آغیللی سی دلی کیمی میللتیم هی!!!

تورپاغ آلتدا کؤزو قالان

اوجاق کولوندن بلی

قورخاغی قاچماغیندان

ایگیدی اؤلوموندن بللی

یوردو تالان اولانیم

ایندی حسرت له قول بویون

اولاییم قورد تک اولاییم

میللتیم هی!!! مملکتیم هی!!!