مدرنیته

     قورخماق داها لازیم دگیلی یرتیجیلاردان               اورکوب چکینک بیز جوت آیاق قورقیجیلاردان

اورماندا گئدیب توش اولاسان آسلانا بیردن            توخ اولسا قارین, دورمایاجاق یاتدیغی یئردن

قوزغون کی بیز اینسانلار آرا هئچ بینیلمیر           قوندوقجا لئشه دویدو قارین دای یییه بیلمیر

آیدین گوزوموز گورنلر ائتمیش بشرییت              قوزقونلار اوزون آغ ائلمیش بو مدنییت

اینسانلارا باخ! اینسان اتیندن دویا بیلمیر             کاش تکجه اتین, وارلیغینا گوز یوما بیلمیر

واه-واه بو بشر بیر, بیرینه بیر سولوک اولموش          توحین سولوکه, تکجه او میردار قانی سورموش

هر نه ایره لی گئتدی بشر ییرتیجیلاشدی            تاپدیقجا مدرنیته یه ال, دیش ایتی لشدی

کئچدیکجه قیلینج عصری آتملار ایشه دوشدو            بیر بمبلا گوردوز بی شهر لئش-لئشه دوشدو

بونلار هامیسی تای باشیلاردان ایشه گئشدی            یا گوجله, یا اویدورما ایله دار ایپین ائشدی

ایندی سه اویونجاق اولوب اللرده بیزیم خلق           بیر ایپ اوجو مین الده, سیخیرلار دارالیب حلق

بیر یاندا آزادلیق دییه هئیکل ده قورورلار           بیر یاندا ائلیندن دییه نه قارشی دورورلار

حیوانلارا درنک قوراراق آرخا چیخیرلار         اینسانلاری یوخسول ائدیب آجداندا ییخیرلار

هم نعله دووور همده میخا بو بشرییت                    بیلمم بو مدرنیته دی یا بیر بدوییت

«لئیسانلی» گوزون آچ یئنه گز جومله جاهانی      یوکسسک سسیلن سسله بو ظولمون کوکو هانی

عباس لیسانی«لئیسانلی»