گوزللر مارالی

!gözəllər marali vebfsahfasinə xoş gəlmisiz

	من آذربایجانلیام
من كيمم؟ من كيمم ؟ 1- من توركم ؟ يا كي بير فارسام ؟ 2- من ايرانلييام ؟ يا كي آذربايجانليام ؟ يا كي آذرييم؟ منيم هويتيم نه دير ؟ يونلار بير بحثلردي كي شايد بير آذربايجانلي بعضي سوزلري ائشيدنده اوزونده سوروشور. نيه كي : من اير بير توركم نيه اوز ديليمده يازيب اوخماقي بيلميرم؟ من اير بير توركم نيه منيم اوچون بير درسليك ده يوخدور كي مدرسه لريميزده اوخونا ؟ من اير بير توركم نيه منيم اوز ديليمده دانيشان بير تلويزيون كانالي دايمي وئرليشي يوخدور ؟ من اير بير توركم نيه بير گوندليك گازته منيم ديليمده اوز اولكمده يوخدور اونو اوخويام؟ من اير بير توركم نيه هر اينسان كيمي اوز تاريخيمي و ادبياتيمي بيلمگه حقيم يوخدور؟ ... بلكه ده كي بير فارسام اوزوم بيلميرم اما : من اير بير فارسام آنام و آتام نيه فارسجا بيلميرلر ؟ من اير بير فارسام نيه فارسلار من دانيشاندا باشا دوشمورلر ؟ من اير بير فارسام فارس تاريخ ادبياتيندا منيمده ديليمده اولان بير شعرلر و اونلارين شاعرلري فضولي و علي اقا واحيد و ... بيرآدلارآپاريلمير؟ من اير بير فارسام نيه منيم سويوم و چوركيمه اونلار آب و نان ديللر؟ ... بونلارا دوز جاوابي يالنيز بير آنا و آتالار وئره بيللر بيرده تاريخ كي بونلاري تك تك اثبات ائديب. سووالاريمين ايكنجي حيسسه سينده سوروشماليام كي : من بير ايرانلييام مي؟ من اير بير ايرانلييام نيه منه آذري دييللر همن بو ايرانليلار ؟ من اير بير ايرانلييام ايرانليلارين هاميسيني پارس تانييللار حال بو كي من پارس دييلم؟ من اير بير ايرانلييام نيه منيم اولكم ايرانين ديگر اولكه لرينن فرقي لي دير ؟ من اير بير ايرانلييام نيه بو اولكه ده هئچ بير ينيلشمه لردن، صنعتدن، ايرلي لشمدن خبر يوخدور ؟ من اير بير ايرانلييام نيه به بو بويوك ايراندا هر هارا گئدسمده اوردا مني اوزگه بيليللر؟ ... بلكه ده من بير آذربايجانليام؟ گورك منيم ديليم توركودور يا فارسي؟ آنام آتام هانچي ديله دانيشير ؟ آنادان اولوپ بويودوغوم توپراغين آدي نه دير؟ منيم اولكمده اولان تاريخي مكانلار كيمين ديلر ؟ بير قيسساجا ساده بير سوزلرله بونلارا جاواب وئريم : من ديليم توركو دور نيه كي توركلرله دانيشيپ باشا توشورم اونلار دامني . اما فارس ديليني بيلم اوچون درسليكلرده اوره نمم گركير. فارسلاردا مني هئچ باشا دوشه بيلمير لر. بو ديليمه ده افتخار ائديرم ( توركون ديلي تك سئوگيلي ايستكلي ديل اولماز اوزگه ديله قاتسان بو اصيل ديل اصيل اولماز). اما بو ديليم بير اويونا دوشوب اودا بو كي قدرت صاحيبلري البته دوشونجه سيزليقلريندن بو ديلي از مه گه چاليشيپلار و هله باشا دوشمويوبلر كي بئله بير اصيل ديل اولن دييل.حتي اير درسليكي ميز تلويزيونوموز گازئته ميز ده قويماسالار اولا بئله بير دولو ادبيات واولمز ديل ارادان گئدن دييل. اير حق وئرمه سه لرده من اوز تاريخيمي اوخويوب يازيب ، بيلم و بيلديره م منيم تاريخدكي ادلي اينسانلاريم اولن دييل و تاريخ شاه اسماعييل ، شاه عاباس امير كبير ، ستارخان ، شيخ محمد خياباني ، باقرخان ، بازرگان كيمي سياسي اينسانلاري و ابوريحان بيروني ، ابو علي سينا ، ابو نصر فارابي ، خاقاني ، نظامي ، مولوي ، شمس ، فضولي ، پروين ، استاد شهريار، صائب، علامه طباطبايي ، علامه جعفري ، علامه اميني و ايراندا بوتون بير مستقيل دولتلري تشكيل وئرن توركلري اونودا بيلمز نيه كي اوندا گرك ايرانين اولان ايفتيخارلارين يوزده 70 يا 80 ديني بيز اونوداق . منيم آنام آتام اوزگه ديلي بيلمير لر فارس بيزيم دولتين ميلي ديلي دير اما تورك بيزيم آنا ديليميز دير بيزيم آتا آنالاريميزين چوخ فارسجا بيلمير لر فارسلارين هاميسيدا توركو بيلمير لر. چون كي من فارس دييلم و فارسدا تورك دييل. فارسلارين ادبياتيندا بيزيم ادبياتچيلار چوخلو زحمتلر چكيبلر و اثرلر ياراديبلار مينلر جه سايا بيلريك ( اوسكي اينسانلارين يازديقلاري بونا كفايت ائدر) اما بير فارسي گوره بيلمزسيز كي تورك ديلينه بير ادليملار آتيب و اثر يازيميش اولا. ايران ادبياتيدا دييلن بير ادبيات بونلار يازان دييل نيه كي ايرانين ادبيياتيندا فارسيدان سونرا توركو و عربي و كوردو و اوزگه ديللرده ده يارانميش ادبيات واردير . پس ايران اديندا بير ادبيات يازيلسا گركدير نئچه ديلدن كي بو جغرافيايي بولومده اثر لر يارانيب و قاليب لار يازيلسن . منه بير عده آداملار آذري دييللر قوي دئسينلر آذري آذربايجان يئرينده اولان اينسلار اولسا من اما بعضي لرين سوزو كيمي آذري فارس ديلندن توتولان بير ديل اولسا او من دييلم اونا گرك ينيدن بير اينسنلار ياراتميش اولالار . پارس سوزو بير قومون ادي دير من ايسه توركم ايرانلي دئسه لر ايرانليام و ايرانين آذربايجانيندانام بيله دئمك اولار كي يورد باخيميندان من ايران آذربايجانليسي اولورام و ديل باخيميندان من ايران توركو اولورام . آذربايجان ايرانين بير چوخ بولومو اولسادا ايران سياستمدارلاري رضا خان زامانيندان بو بولومون غيرتلي و زور ايسته مين اينسانلاري اولماق اوچون و ديلينين ياساق الماقي و قونشو اولكه لرين تورك اولماسيندا زامان بويو بو قوخولاري اولوب كي بو بولوم ايراندان ايريلا بيلراما دوشونمويوب كي بو اينسانلار ايراني اوزلرينين بيليبلر و ايراني قوروماق اوچون چوخلر قانلار و جانلار وئريب ئو آليبلار . بو دوشونمز اينسانلار آذربايجان زامان بويو ايري گوزله باخيبلار و قويمايبلار بو را كي تمدونون و يئنيلشمه گين و ايرلي لشمه گين يئريدي چونكي بوللو الله وئرگيسي نعمتلري بوللو سويو گوزل و حاصيللي توپراقي و يئر معدنلري و فيكيرلي و عاغيللي اينسانلاري و ياخشي جغرافي موقعيتي اولان و اوروپايا ياخين يول اولان اورتا اسيا ايله و چوخلو اولكلر له بير ديلي اولان بير بولومويدو اوز حديجه ايرلي وگئديب دونادا يني يئر دوتوب ايرانين اديني بويوده بو بولومو زامان بويو دالي و فقير ساخلايبلار ايراني آمار مركزينده چيخان بير معلوماتا باخساق گوره ريك كي ايراندا لاب آز عاييدلي اولان بولوم آذربايجاندير او معلوماتا گورا دوغو آذربايجان يوزده 22 (22%) باتي آذربايجان يوزده 48 (48%) اردبيل يوزده43(43%) و زنجان يوزده 41(41%) باشليق عاييدي اوزگه بولوملره گورا آشاغيدير. ايراندا هر دولت كي ايسته سه بو ميللت داها دا بو حكومته داياق اولا اونون باشي اوجاليغينا چاليشا گرك بو تورك ميللتي ايله ياخشي يا ناشا و اونلار قانوني حقلريني تيزليكه اونلارا وئره تا اونلاردا بو دولته و حكومته اينانالار. من بير ايران توركو و ايران آذربايجانيندا ياشيان آدلي سانلي و ايرانا بويوك آدلار قازانان بير توركم نه فارسام نده پارس.
+ بونلاری 14 Nov 2007ساعات 10:13 AM لیلا گوزللر مارالی یازیبدیر \|

	بیزه گوره
قلبی سینیق هم یارالی گزمییب ائل دن آرالی قوربان ائدر جان وطنه لیلا گوزللر مارالی


RSS POWERED BY BLOGFA.COM